Wata cuta da ta bulla a Kaduna ta halaka ma’aikatan asibitin 44 na sojoji da ke Kaduna su uku. Ana kyautata zaton cutar zazzabin Lassa ce.
Bayanin hakan na kunshe ne acikin wata wasika da mukaddashin kwamandan rundunar sojojin Nijeriya bangaren kiwon lafiya ya rabawa dukkan cibiyoyin kula da lafiya na sojojin Nijeriya.
- Jirgin Shugaban Kasa Na Ci Gaba Da Lakume Makudan Kudade Wajen Kula Da Shi
- Kashim Shettima Ya Mayar Da Martani Kan Tsadar Rayuwa
A cewar wasikar, “Ma’aikatan ba da agajin gaggawa (A&E) na asibitin 44 NARHK su Uku da wani majinyaci sun rasu a cikin sa’o’i 48 da suka gabata tare da wasu na cikin mawuyacin hali.”
ADVERTISEMENT
Tuni dai Gwamnan jihar Kaduna Uba Sani ya umarci ma’aikatar lafiya ta jihar da ta gaggauta yin bincike tare da tabbatar da halin da ake ciki a asibitin 44 bayan barkewar cutar Lassa mai hatsarin gaske.
