Kakakin Fadar White House, Karoline Leavitt, ta sanar da cewa za ta sauka daga muƙaminta a ƙarshen watan Agustan 2026 domin ta samu damar kasancewa da iyalinta.
Shugaban Amurka Donald Trump ne ya sanar da matakin, yana mai cewa Leavitt za ta ci gaba da kasancewa cikin manyan masu ba shi shawara waɗanda ba su da muƙami.
Leavitt, mai shekara 28, ita ce mace mafi ƙarancin shekaru da ta taɓa riƙe muƙamin kakakin Fadar White House.
Ta fara riƙe muƙamin ne a watan Janairun 2025 a gwamnatin Trump ta biyu.
Ta yanke shawarar barin aikin ne bayan ta dawo daga hutun haihuwa, bayan haihuwar ɗanta na biyu.
Ta ce tana shan wahala wajen haɗa nauyin aikin da kula da iyalinta.
A lokacin da take kan muƙamin, Leavitt ta kasance ɗaya daga cikin manyan masu kare manufofin Trump, musamman a lokutan tarukan manema labarai na Fadar White House.
Har yanzu Trump bai bayyana wanda zai maye gurbinta ba.
