Yayin da bikin ranar ‘yan kwadago ta bana ke gabatowa, kasuwar fina-finai ta kasar Sin tana kara daukar harama domin fitowar sabbin fina-finai kusan 20, wadanda suka kunshi na nau’o’in al’adu na tarihi da na barkwanci zuwa na fadace-fadace da yake-yake, da masu tsuma zuciya, da kuma na hotuna masu motsi ko kuma cartoon.
Kudaden da aka riga aka samu na cinikin tikitin kallo na jadawalin fina-finan da za a nuna a lokacin bikin ranar ‘yan kwadago ta shekarar 2026, sun riga sun zarce yuan miliyan 25, kwatankwacin dalar Amurka miliyan 3.66, yayin da jimillar cinikin kasuwar kallon fina-finai ta kasar Sin na bana, ciki har da na sayar da tikitin kallo kafin lokaci, ta zarce yuan biliyan 12.8, kimanin dala biliyan 1.87.
Bisa bullo da salo iri-iri da kuma cinikin tikitin kallo mai gwabi da aka fara samu, hutun bikin ranar ‘yan kwadago ta 2026 yana kara zama wani lokaci mai fa’ida ga masana’antar fina-finai ta kasar Sin. (Mai fassara: Abdulrazaq Yahuza Jere)
