An kammala bikin baje kolin kayayyakin masarufi na kasa da kasa karo na 6 a Hainan a ranar Asabar 18 ga watan nan da muke ciki. Yayin bikin, an baje kolin tambura sama da 3,400 daga kasashe da yankuna fiye da 60, kuma sabbin nau’ikan kayayyaki 277 sun bullo a karon farko a bukukuwan gabatarwa guda 44.
Yayin wannan gagarumin bikin ciniki bisa taken “saya daga duniya, da kuma sayar wa duk duniya”, kamfanonin kasashen duniya da dama sun bayyana cewa, za su rike sabbin damammaki a sabbin yanayin sayayya na kasar Sin.
Mataimakin shugaban kamfanin Volkswagen na kera motoci na Jamus (reshen Sin) Su Bahong ya bayyana cewa, “A muhimman ayyuka dake cikin shirin raya tattalin arziki da zamantakewar Sinawa na shekaru biyar-biyar karo na 15, na farko shi ne ci gaba mai inganci.
Na biyu kuma shi ne mayar da fasahar zamani ta zama sabon injin raya tattalin arziki. Dukkan kamfanonin kasashen waje, ciki har da kamfaninmu na Volkswagen, suna ba da muhimmanci sosai, kuma suna kokarin shiga ciki, domin yin amfani da damar da kasar Sin ke bayarwa, ta samar da sabbin damammaki ga kanmu, da kuma kokarin shiga cikin kwaskwarima da ake yi wa masana’antu.” (Amina Xu)
Discussion about this post