Ya zuwa rubu’i na daya na shekarar nan ta 2026, kasar Sin ta kafa jimillar na’urorin samar da wutar lantarki kusa kilowat biliyan 4, kwatankwacin ninki uku na jimillar wanda Amurka ke samarwa.
Da wannan sakamako, Sin ta zamo kan gaba a duniya a wannan fanni, kamar dai yadda rahotanni daga kafar watsa labarai ta CCTV suka shaida.
Cikin adadin, yawan wutar lantarki da kasar Sin ta samar ciki har da ta karfin ruwa, da nukiliya, da iska, da hasken rana ya kai kilowat duk sa’a tiriliyan 0.7, adadin da ya karu da kaso 2.8% bisa na makamancin lokaci na bara, kana ya kai kaso 33.2 bisa dari na adadin wutar lantarki da masana’antu ke samarwa.
A wani fanni na daban, kasar Sin ta kaddamar da aikin gwaji domin gajiyar iyalai 100,000 na farko, wadanda za su ci gajiyar amfani da makamashi da aka samar daga hadakar iskar gas da iskar hydrogen, a birnin Weifang na lardin Shandong. Ta amfani da bututan da ake da su, da kara kaso 10 bisa dari na iskar hydrogen, aikin zai maye gurbin kyubik mita biliyan 15 ta iskar gas da ake amfani da ita a duk shekara, tare da rage fitar da iskar CO2 da tan miliyan 30.
A wani ci gaban kuma, zangon farko na bikin baje kolin Canton karo na 139, ya mayar da hankali ga “Sarrafa hajoji ta hanyoyin zamani”, inda bikin ya hallara kamfanonin manyan fasahohi har 5,900 da ma matsakaitan kamfanoni.
Yayin da kuma zango na biyu na bikin zai mayar da hankali ga baje “Kayayyakin amfanin gida masu inganci”, masu nasaba da kayan gine-gine marasa gurbata yanayi, da na amfani a gidaje masu aiki da na’urori masu kwakwalwa.
Za a gudanar da zangon na biyu ne tun daga ranar 23 ga watan nan na Afirilu. (Saminu Alhassan)
