Hukumar kula da fasahar sadarwa ta duniya (ITU), ta ce a makon karshe na watan Disamban shekarar 2025, kasar Sin ta mika bukatar da ta shafi harba taurarin dan Adam sama da 200,000 zuwa sararin samaniya.
A cewarta, wasu jerin taurarin dan Adam biyu ne suka mamaye bukatar. Kuma kowane daga cikin jerin taurarin na CTC-1 da na CTC-2, na da jimilar taurari 96,714, inda jimilarsu baki daya ta kai sama da 190,000, adadin da ya zama mafi yawa a tarihi.
Hukumar ITU ta ce bayananta sun nuna cewa, cibiyar kirkire-kirkire da amfani da fasahohin sadarwa na zamani ta kasar Sin, wato wata sabuwar cibiyar bincike da aka yi wa rajista a lardin Hebei na kasar a watan Disamban shekarar 2025 ne ta mika bukatar harba dukkan jerin taurarin. (FMM)
ADVERTISEMENT
