Ribar da manyan kamfanonin kasar Sin suka samu ta karu da kashi 18.8 cikin 100 a mizanin shekara-shekara a tsakanin watan Janairu zuwa Mayu, wadda ta zarce karuwar kashi 18.2 cikin 100 a cikin watanni hudu na farkon bana, kamar yadda bayanai daga hukumar kididdiga ta kasar Sin (NBS) suka nuna a yau Asabar.
Kamfanonin da ke samun kudaden shiga na kasuwanci na a kalla Yuan miliyan 20 (kimanin dala miliyan 2.93) sun samu jimillar ribar da ta kai Yuan tiriliyan 3.14 cikin watanni biyar, a cewar hukumar ta NBS.A watan Mayu kadai, ribar manyan kamfanonin ta karu da kashi 21.1 cikin 100 idan aka kwatanta da makamancin lokaci na shekarar da ta gabata, kamar yadda bayanan hukumar ta NBS suka bayyana. (Mai fassara: Abdulrazaq Yahuza Jere)














