Wata Kotun Majistare da ke Nomansland a Jihar Kano, ta bayar da umarnin tsare wasu mazauna unguwar Dorayi-Chiranci biyu a gidan yari bisa zargin su da bayar da bayanan ƙarya dangane da kisan wata mata da yaranta shida.
Mutanen biyun sun haɗa da Abubakar wanda aka fi sani da Bala Honourable, da Munnir Yahaya, maƙwabtan mutanen da aka kashe ne.
- Dole A Ɗauki Matakan Gaggawa Kan Matsalar Ilimi Da Arewa Ke Fuskanta – Inuwa
- Kamfanin Shell Ya Yi Alƙawarin Zuba Jarin Dala Biliyan 20 A Najeriya Bayan Dala Biliyan 7 Da Aka Kashe – NNPCL GCEO
Rundunar ’Yansandan Jihar Kano ce ta gurfanar da su a gaban kotu.
Kakakin rundunar, CSP Abdullahi Haruna Kiyawa, ya ce mutanen sun bai wa kafafen yaɗa labarai bayanai marasa inganci game da harin da kuma kama waɗanda ake zargi.
Bala daga baya ya amsa a wani bidiyo cewa ya yi ƙarya a wata hira da manema labarai, tare da neman afuwar jama’a.
Haka shi ma Munnir ya amince cewa mutumin da ya ce ana zarginsa ba shi da hannu a lamarin.
Kotu ta bayar da umarnin tsare mutanen biyun a gidan yari har zuwa ranar 4 ga watan Fabrairu, 2026, domin ci gaba da shari’arsu.
