A matsayin bikin baje koli mai girma na farko da aka gudanar a kasar Sin, tun fara aiwatar da shirin raya kasa na shekaru biyar biyar karo na 15, kuma biki na farko da aka gudanar a Hainan, tun bayan fara aiwatar da sabbin manufofin kwastam a tsibirin Hainan, bikin baje koli na kayayyakin amfanin jama’a na kasa da kasa na kasar Sin karo na 6 wato CICPE a takaice, ya jawo hankalin kasa da kasa.
Wata kuri’ar jin ra’ayin jama’a da kafar CGTN ta kasar Sin ta gudanar, ta shaida cewa, kaso 85.1 bisa dari na masu kada kuri’un sun ce kamfanonin kasa da kasa sun fi son zuwa kasar Sin, da zuba jari a kasar Sin, yayin da suke kokarin shiga kasuwar duniya, da inganta karfinsu a yayin da suke cinikayya a duniya.
Bisa kuri’un da aka kada, kashi 91.1 cikin dari suna ganin cewa, bikin CICPE ya samar da wani dandali ga kamfanonin kasa da kasa na yin mu’amala da hadin gwiwa, da tattaunawa kan zuba jari, kana kashi 89.3 cikin dari sun bayyana cewa, kasar Sin ta gudanar da bikin CICPE a shekarun baya-baya nan a jere, batun da ya shaida imanin kasar Sin kan sa kaimi ga bude kofa ga kasashen waje, don samar da gudummawa wajen farfado da tattalin arzikin duniya. (Zainab Zhang)
