Gwamnatin tarayya ta bada sanarwar da ke nuna da akwai wasu ƙarin ƴan Nijeriya 83 da suke Afirka ta Kudu waɗanda za a dawo da su daga ƙasar Afirka ta Kudu saboda yanayi na nuna rashin so da ƙauna ta Afrophobic da ake ta kai masu hare haren rashin ƙauna a cikin ƙasar.
Ma’aikatar harkokin waje ta Nijeriya ta ce waɗanda za su dawo ta tashar jirgin sama ta ƙasa da ƙasa ta tunawa da Murtala Mohammed da ke Legas, ranar Laraba 19 ga Agusta 2026, ta jirgin saman ƙasar Afirka ta Kudu.
Kamar yadda bayanan da suka fito da ke ɗauke da sa hannun mai magana da yawun ma’aikata, Kimiebi Imomotimi Ebienfa, anipr, ranar Litinin 17 ga watan Agusta, masu dawowar za su bar tasher jirgin sama ta Oliɓer Tambo, Johannesburg, da ƙarfe 3:35 na rana za su iso Legas da kimamin ƙarfe ƙarfe tara saura kwata na yamma 8:45.
Ma’aikatar harkokin wajen ta ce wannan lamarin dawowar an samu damar yin shi ne ta hanyar bada taimako da ɗaukar nauyi na bada tikitin tafiya waɗanda mutane daban daban suka yi da suka haɗa da waɗanda suke zaman kansu, abinda y ace wani abin a yaba ne saboda yadda aka nuna jinƙan Ɗan Adam.
Wannan ya biyo bayan kamala shirye shiryen da ƙoƙarin dawowar da su da gwamnatin tarayya ta yin a maganar dawowar da wa ɗanda suke son haka don kansu, wanda shi yasa aka dawo da ƴan Nijeriya kusan 1,490 daga Afirka ta Kudu.
