Majalisar Jihar Ribas Ta Dakatar da Shirin Tsige Gwamnan Fubara

Majalisar Dokokin Jihar Rivers ta dakatar da shirin tsige Gwamna Siminalayi Fubara da Mataimakiyarsa, Ngozi Odu, bayan sa bakin da Shugaban Ƙasa, Bola Ahmed Tinubu, ya yi a lamarin.

An amince da matakin dakatarwar ne a zaman majalisar da aka koma a ranar Alhamis a Fatakwal, babban birnin jihar. Wannan na zuwa ne bayan majalisar ta fara shirin tsige su a zamanta na farko na shekarar 2026 kan zargin aikata manyan laifuka.

• HOTUNA: Wike Ya Buɗe Gidan Rediyo Don Yaƙin Neman Zaɓen Tinubu A Ribas
• Fubara Ya Rushe Majalisar Zartarwa Ta Jihar Ribas 

Daga cikin zarge-zargen da aka ambata akwai rushe ginin majalisar dokokin jihar da kuma kashe kuɗi ba tare da amincewar majalisa ba, da sauran batutuwa.

Har zuwa lokacin haɗa wannan rahoto, ba a fitar da cikakken bayani kan dalilan dakatar da shirin tsigen ba.

Abubakar Sulaiman

Website |  + postsBio

• Abubakar Sulaiman

  An Kai Hare-Haren Makamai Masu Linzami Birnin Riyadh
• Abubakar Sulaiman

  Kakakin Majalisar Nasarawa Ya Raba Naira Miliyan 6 da Atamfofi 1,100 a Taron APC
• Abubakar Sulaiman

  Ɗan Obasanjo Ya Shiga Tafiyar Ƙungiyar ‘Tinubu Must Stay Movement’
• Abubakar Sulaiman

  Aikin Titin Jirgin Ƙasa Na Kaduna Zuwa Kano Ya Kai Kashi 90%