Jarumin fina finan Hausa na Kannywood Ali Rabiu Ali ya bayyana mutuwar Darakta Aminu S Bono a matsayin babban rashi ga masana’antar Kannywood da kuma Al’umma baki daya.
Da yake hira da ‘yan jarida bayan kammala jana’izar marigayi Aminu S Bono, Ali Rabiu ya ce mutuwar Daraktan ba karamin girgiza Kannywood ta yi ba domin yanayin yadda mutuwar tazo ba tare da ciwo ko wata matsala ba.
- Marubutan Da Akwai Hikima, Na Yanzu Sai Karyar Zuwa Waje – Amina
- Za A Yi Gwanjon Rigunan Messi Na Gasar Kofin Duniya Ta 2022 Da Kudi Tsagwagwa
Wannan mutuwar ta girgiza wannan masana’anta tamu ta Kannywood kai har ma da sauran Al’umma,domin yada ta zo ba tare da wani ciwo ko rashin lafiya ba.
Wannan bawan Allah Aminu mutane sun yi mashi kyakyawar shaida a kan mu’amalar sa ta yau da kullum da sauran al’umma,domin kai kanka shaida ne ganin yadda mutane duka cika makil yayin da aka zo makabarta wajen jana’izar sa Rabiu ya fadawa dan jarida.
Daga karshe dai ya yi Addu’ar Allah Subhanahu Wa Ta’ala da ya jikan mamacin ya kuma sa aljanna ce makomarsa, su kuma iyalinsa da ya bari Allah ya basu hakurin rashinsa.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
