Nasiha har kullum takan yi tasiri, don haka zamani ya ɓaci muna yi ne ƙawaye da media na warware muaa. Don haka aƙara jaddada musu wannan nasihar ke da kanki mahaifiya ya dace ki zaunar da ‘yarki kimata ita.
Kar ki ce zaki turata wajen wata daban ta yi mata. Maganarki za ta fi ratsa kunnuwanta.
1. Abu na farko farawa da hamdala tare da gode wa Allah da ya yi mata arzikin da bakowa ke samun irinsa ba wato ‘AURE’ domin arziki ne da in an yi dace zai kai mutum zuwa aljanna.
Indai Mace ‘ya ce to tasan dama gidan da aka haifeta ba shi ba ne gidansu. Gidan mijinta shi ne nata. Don haka biyayyar aure wajibi ne.
2. Tunatar da ita cewa nan da wani ƙanƙanin lokaci za ki wayi gari a gidan wani, za ki bar yanayin da kika saba dashi da kuma mutanen da kika saba dasu, don haka makamin cin nasararki shi ne haƙuri tare da karɓar rayuwa a dukkan yadda kika sami kanki. Hakan ke nuna girma ya hau kanki. ni dake ɗaya ne yanzu babu bambanci.
3. Wance matsalolin aure sun yi yawa a yanzu, ki mance cewa kunsha soyayya da duk irin kalmomin da ya riƙa faɗa miki, ban damu nasan su ba. Amma ki sani yanzu ne za ku ga ainishin zahirin kalarku.
Duk wannan kalaman soyayyar da jin kamar inba ɗaya toh ɗaya ba zai rayuba kisani kina tarewa gidansa kaso 50% na soyayyar nan ya ragu. saura 50%.
Abin da zai taimake ki ko ya taimake ku shi ne haƙuri tare da juriya. In kika sa haƙuri to ƙauna za ta shiga tsakaninki da mijinki.
Idan kuma ƙauna ta shiga to bata ƙarewa. Kuna tsufa ne tana ƙara ƙaruwa! Domin alkhairin juna zaku yita ta tunawa. wannan shi ne sirrin da kakannin mu zaki ga sun yi aure tsawon shekaru 60 tare har mutuwa. Bawai ba matsala ba ne. kurum ƙauna ce ta rinjayi soyayya tare da haƙuri.
4. Kice Mata fatan kin ji dukkan bayanan da na yi miki a baya. To abu na huɗu da zai taimake ki wajen gina ƙaunar can dana yi miki bayani a baya shi ne: Matuƙar kina son zaman ku ya dauwama dole ki riƙa yafe wa mijin ki in yai miki laifi. Banda yawan kawo ƙara garemu ko ga ƙawaye ina mai horonki kan haka. Inkika kiyaye to soyayya da ƙauna zai ƙaru tsakaninku.
