Kamfanin Man Fetur na kasa wato NNPCL, ya bayyana cewa, bayan ya biya haraji, ya kuma samu ribar da ta kai ta Naira biliyan 276, a cikin watan Maris na shekarar 2026, inda ya ce, wannan ribar, ta rubanya wadda kamfanin ya samu, a watan Fabirairun shekarar ta 2026.
Hakan na kunshe ne, a cikin rahoton wata-wata da kamfanin, ya saba fitarwa, ita rahoton ya kara da cewa, kamfanin ya kuma samu ribar da ta kai ta Naira tiriliyan 2.7, duk a cikin watan, musamman saboda yadda aka kara samun hako Danyen Mai, da ya kai Ganguna miliyan 1.56 a kullum.
Kazalika, an samu karuwar sarrafa Gas wanda ya kai zuwa kafa miliyan 7,731 a kullum, inda rahoton ya kara da cewa, hakan ya nuna cewa, an karu fiye da watanni sha biyu, da suka gabata.
Bugu da kari, rahoton ya kuma zayyano jeren nasarorin da aka samu, daga wata, zuwa wani wata, a manyan fannonin sarrafa Danyen Mai da ya kai karuwar metric tan 1.56 da kuma sarrafa Gas, da ya karu zuwa 7,731.
Bisa fashin bakin da aka yi, ya nuna cewa, Danyen Man da aka hako ya karu, idan aka kwatanta Gangunan Danyen Mai da aka hako a kullum, a watan Fabirairun 2026 da suka kai miliyan 1.56, daga Ganguna miliyan 1.51, da aka hako a kullam, a watan Janairun 2026.
