NNPP Ta Tafka Asara, Ƴan Majalisa 2 Daga Kano Sun Koma APC

Ƴan majalisar tarayya guda biyu daga jihar Kano, Kabiru Usman da Abdullahi Sani, sun sanar da barin jam’iyyar NNPP zuwa APC a yayin zaman majalisar ranar Alhamis, suna mai nuni da rikice-rikicen cikin gida na jam’iyyar.

Shugaban majalisar Tajudeen Abbas ne ya karanta wasiƙar ficewarsu a zaman majalisar na ranar Alhamis, inda ya bayyana cewa Kabiru Rurum mai wakiltar mazaɓar Rano da Kibiya da Bunkure da Hon.Sani Rogo mai wakiltar mazaɓar Karaye da Rogo.

• Dole Kwankwaso Ya Nemi Afuwarmu Kafin Ya Komo APC
• Gwamna Yusuf Ya Yi Barazanar Ƙwace Lasisin Jerin Gidajen Kwankwasiyya, Amana Da Bandirawo 

Ko da a kwanan baya ma Sanata AbdulRahman Kawu Sumaila da wasu  sun fice daga jam’iyyar NNPP, su ma dai sun ce rikicin ne ya fitar da shi.

Shugaban jam’iyyar APC Abdullahi Ganduje da wasu manyan ƙososhin jam’iyyar sun halarci taron sauyin sheƙar a majalisar.

Abubakar Sulaiman

Website |  + postsBio

• Abubakar Sulaiman

  Iyalin El-Rufai Sun Bai Ministan Tsaro Wa’adin Kwana 7 Kan Zargin Rikicin Kudancin Kaduna
• Abubakar Sulaiman

  Atiku Ya Zargi Gwamnatin Tarayya Da Cin Bashi Kamar Mashayin Da Kuɗi Ya Ƙarewa
• Abubakar Sulaiman

  Boko Haram Ta Kai Hari Adamawa, Ana Fargabar Mutuwar Mutane 11
• Abubakar Sulaiman

  Ƴan Bindiga Sun Kai Hari Sokoto, Sun Kashe Mutane 7, Sun Yi Garkuwa Da 12