PDP Ta Yi Barazanar Hukunta Gwamnonin G-5 Kan Hada Kai Da Tinubu

Fusatattun gwamnonin jam’iyyar PDP guda biyar (G-5) sun gana da dan takarar shugaban kasa na jam’iyyar APC, Bola Tinubu a birnin Landan na kasar Birtaniya.

An ce dan takarar na jam’iyyar APC ya nemi amincewar gwamnonin biyar din da su mara masa baya a yayin wani gangamin taro da aka gudanar a ranar Talata.

• Zan Bayyana Dan Takarar Da Zan Mara Wa Baya A Janairu – Wike

Gwamna Nyesom Wike (Rivers), Seyi Makinde (Oyo), Okezie Ikpeazu (Abia), Samuel Ortom (Benue) da Ifeanyi Ugwuanyi na jihar Enugu da wasu jiga-jigan siyasa daga Kudu sun sha alwashin ba za su goyi bayan dan takarar shugaban kasa na PDP, Atiku Abubakar ba, sabida kin amincewa da shugaban jam’iyyar na kasa, Iyorchia Ayu ya yi murabus bayan Atiku ya samu tikitin takarar shugaban kasa na jam’iyyar.

Sai dai sa’o’i kadan bayan ganawar da gwamnonin da Tinubu, PDP ta ce ba ta da masaniyar tattaunawar da suka yi da dan takarar shugaban kasa na jam’iyya mai mulki, inda ta ce, tasan dai kawai cewa, a halin yanzu, gwamnonin sun tafi hutu Birtaniya.

Sai dai jam’iyyar PDP ta yi barazanar hukunta gwamnonin kan duk wani aiki da zai saba wa dokokin jam’iyyar, inda ta jaddada cewa tana da karfin ladabtar da duk wani gwamna da ya bijirewa dokar Jam’iyyar.

Sulaiman

+ postsBio

• Sulaiman

  Cinikin Waje Ta Kasar Sin Na Bunkasa Cikin Sauri Da Kwanciyar Hankali A Rabin Farko Na Shekara Ta 2026
• Sulaiman

  An Yi Tir Da Kalaman Wasu Sassan Ketare Game Da Yayata Batun Cika Shekaru Goma Da Fitar Da Abin Da Aka Kira “Hukuncin Tekun Kudancin Sin”
• Sulaiman

  Nijeriya Za Ta Zama Ƙasa Mai Zaman Lafiya, Ba Za A Ƙara Samun Kashe-kashen Jama’a Ba – Oluremi Tinubu
• Sulaiman

  Sin Ta Tsara Bunkasa Darajar Cinikayyar Kayayyaki Zuwa Yuan Tiriliyan 60 Yayin Shirin Raya Kasa Na Shekarar 2026 Zuwa 2030