Yayin da rikici tsakanin Ukraine da Rasha ke cigaba da ɗaukar sabon salo, Kieɓ ta sanar da kai hari kan wata tashar adana abinci da kayayyaki mallakin Moscow a Tekun Black Sea, lamarin da ya yi ajalin mutuwar mutum biyu.
Gwamnan lardin Krasnodar a kusa da inda da lamarin ya auku ya ce dakarun Ukraine sun yi amfani da jirage marasa matuka wajan kai harin a manyan tashoshi biyu da Rasha ke amfani dasu a tashar ruwan Noɓorossiisk domin fitar da kayan abinci musamman hatsi zuwa kasuwanin duniya.
Magajin garin Noɓorossiisk ya ce ko bayaga lalata gomman gidajen jama’a, harin ya kuma lalata manyan kamfanonin Rasha guda hudu.
Wannan dai na zuwa a daidai lokacin da shugaba Poutine na Rasha ya yi barazanar kwace jiragen ruwa mallakin ƙasashen yamma a matsayin martani ga takun-kuman da wasu kasashen Turai suka laftawa jiragen ruwan ƙasar da suka zarga da karya doka.
Tunda fari ƙasar Amurka ta bayyana shirin cefanar wasu jiragen ruwan Rasha biyu da t kwace a gabar ruwan Karibiyan a ranar talata da ta gabata.
