Rashin Tsaro: Tinubu Ya Gana Da Shugabannin Hukumomin Tsaro

Shugaban Ƙasa, Bola Ahmed Tinubu, ya gudanar da wani muhimmin taron tsaro a Fadar Shugaban Ƙasa da ke Abuja a yammacin ranar Alhamis, inda ya haɗu da manyan hafsoshin soji, shugabannin hukumomin leƙen asiri da manyan masu ba shi shawara kan harkokin tsaro, ciki har da Mai Ba Shi Shawara na Musamman kan Tsaron Cikin Gida, Adeyinka Famadewa.

Majiyoyin da suka san ajandar taron sun shaida wa PUNCH Online cewa an gudanar da cikakken nazari ne kan halin da tsaro ke ciki a faɗin ƙasar da kuma a wuraren da ake gudanar da ayyukan soji.

Fadar Shugaban Ƙasa ta sanar da taron ne ta hanyar wallafa hotonsa a yammacin ranar Alhamis. Taron ya gudana ne a sirrance na sama da sa’o’i biyu.

Daga cikin waɗanda suka halarci taron, akwai Mai Ba Shugaban Ƙasa Shawara Kan Harkokin Tsaro, Nuhu Ribadu; Ministan Tsaro, Christopher Musa; Babban Hafsan Tsaro, Olufemi Oluyede; Babban Hafsan Sojin Ƙasa, Waidi Isa; da Babban Hafsan Leƙen Asirin Soji, Emmanuel Undiandeye.

Har ila yau, akwai Darakta Janar na DSS, Adeola Ajayi; Darakta Janar na NIA, Mohammed Mohammed; Mai Ba Shugaban Ƙasa Shawara kan Tsaron Cikin Gida, Janar Adeyinka Famadewa mai ritaya; da Sufeto Janar na ’Yansanda, Olatunde Disu, tare da sauran manyan jami’an hukumomin tsaro.

Sulaiman

+ postsBio

• Sulaiman

  Ding Xuexiang Ya Halarci Taron Kolin CIFTIS Tare Da Ganawa Da Manyan Jami’an Kasashen Waje
• Sulaiman

  Sin Ce Ta Zo Ta Farko A Rahoton Yanayin Tsaron Jama’a Na Duniya
• Sulaiman

  Sin Ta Ciri Tuta Game Da Rawar Gani Da Take Takawa A Fannin Warware Kalubalen Tsaro A Gabas Ta Tsakiya
• Sulaiman

  Gwamnatin Tarayya Ta Gwangwaje Tawagar Kwallon Kwando Ta Mata Da Dala 100,000 Kowace