Rundunar Sojoji Ta Karrama Jami’anta 10 Bisa Ƙwarewa A Yaƙi Da Ta’addanci

Rundunar Sojin Nijeriya ta karrama jami’anta goma bisa kwazon da suka nuna a ayyukan rundunar daban-daban na yaki da ‘yan bindiga da masu garkuwa da mutane a sassan kasar.

Sojojin da suka kunshi maza biyar da mata biyar, an zabo su ne daga rundunoni shida na rundunar sojojin Nijeriya a yankin Kudu maso Yamma.

• Dokar Hana Fitar Da Kayan Gini Waje: Jami’an Tsaro Sun Kama Manyan Motoci 5 Makare Da Siminti A Adamawa
• ‘Yan Bindiga: Gwamna Dauda Ya Kai Ziyarar Jaje A Zurmi Da Birnin Magaji

Babban Hafsan Sojin kasa (COAS), Laftanar Janar Taoreed Lagbaja, ne ya bayar da lambobin yabo ga sojojin a wani taron karramawar da rundunar sojojin Nijeriya mai yaki da ‘yan ta’adda da kuma kwalejin kula da harkokin tsaro ta Nijeriya (NACOLM) suka saba shiryawa duk karshen shekara wanda aka gudanar a Legas.

Ya bukaci sojojin Nijeriya da su ci gaba da jajircewa tare da ci gaba da gudanar da ayyukansu wanda doka ta tanadar musu na kare martabar yankin Nijeriya.

Babban hafsan sojojin wanda ya samu wakilcin babban kwamandan runduna ta 81 (GOC), Janar Mohammed Usman, ya kuma umurci sojojin da su yi amfani da Kwarewar da suka samu wajen ci gaba da gudanar da ayyukansu na tsaron kasa.

Sulaiman

+ postsBio

• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi
• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”