Shugaban ADC Tsagin Nafiu Bala Ya Fice Daga Jam’iyyar, Ana Hasashen Zai Koma APC

Shugaban jam’iyyar ADC tsagin Nafiu Bala Gombe, Honorabul Leke Abejide, ya sanar da ficewarsa daga jam’iyyar.

Ɗan majalisar mai wakiltar mazaɓar Yagba ta tarayya a Jihar Kogi ya bayyana hakan ne yayin wani taron manema labarai da ya gudanar a Abuja ranar Juma’a.

Abejide ya danganta matakin da ya ɗauka da rikicin shugabanci da ya daɗe yana addabar jam’iyyar da kuma matsalolin shari’a da ka iya hana ta tsayar da ‘yan takara a babban zaɓen 2027.

Ko da yake bai bayyana jam’iyyar da yake shirin komawa ba kai tsaye, irin hular da ya sanya — wadda ake dangantawa da Shugaban Ƙasa Bola Ahmed Tinubu, jagoran APC — ta nuna yiwuwar komawarsa jam’iyyar mai mulki.

Abejide ya kuma sanar da cewa ya miƙa tsarin jam’iyyar ADC ga Nafiu Bala Gombe.

Sulaiman

+ postsBio

• Sulaiman

  Sin Na Fatan Amurka Za Ta Dakatar Da Furta Karairayi Da Nufin Bata Mata Suna
• Sulaiman

  Sin Ba Ta Taba Janyewa Wata Kasa Tsani Ba
• Sulaiman

  Xi Ya Aike Da Gaisuwa Albarkacin Ranar Malamai Yana Mai Kira Da A Samar Da Matasa Masu Hazaka Domin Kara Farfado Da Kasa
• Sulaiman

  Renon Matasa A Kan Kyakkyawar Turba Ginshiki Ne Na Gina Kasa