Kamfanonin kayayyakin kasar Sin sun cimma “matakin gagarumin sauyi inda suke zama na duniya baki daya,” kamar yadda shugaban kamfanin tuntunba da ba da shawarwari kan sha’anin kudi na Birtaniya mai suna Brand Finance, David Haigh ya bayyana.
A wata hira da ya yi da kamfanin dillancin labarai na kasar Sin Xinhua, kafin bikin ranar kamfanonin kyayyakin kasar Sin, wadda ake gudanarwa a ranar 10 ga Mayu, Haigh ya bayyana cewa bangaren kamfanonin kayayyaki na kasar Sin “na da matukar burgewa, da cikakken kuzari, kana yana habaka cikin hanzari, inda yake mai da hankali wajen yada sabbin kirkire-kirkiren kasar Sin zuwa sassan duniya.
”Haigh, wanda har ila yau shi ne shugaban kwamitin tsara dabaru na hukumar kula da ingancin kayayyaki ta kasa da kasa da ke kula da tantance kima da darajar kayayyakin kamfanoni, ya yi karin haske game da hangen nesan manufofi masu dogon zango na kasar Sin.Ya ce, “Ba kamar wasu gwamnatoci da dama ba, gwamnatin kasar Sin ta yi amanna da manufofi masu dogon zango kuma tana ci gaba da kokari ba tare da gajiyawa ba wajen samar da sabbin kirkire-kirkire, da tsarawa da kuma fito da manyan tsare-tsaren kirkiro da sabbin abubuwa.” (Mai fassara: Abdulrazaq Yahuza Jere)
Discussion about this post