Dakarun Soji a karkashin shirin Whirl Stroke da na Safe Haven sun kama ‘yan ta’adda bakwai da ‘yan bindiga tare da kubutar da mutune biyu da ‘yan bindigar suka sace.
Sun samu wannan nasara ce, a wasu ayyukan da suka yi a jihohin Nasarawa, Kaduna da Filato.
- Ma’aikata 2 Sun Shiga Hannu Kan Zargin Sace Tiraktoci 9 A Nasarawa
- Tarihi Da Wasu Boyayyun Abubuwa Game Da Garin Tafa
Manjo-Janar Bernard Onyeuko ne, ya bayyana hakan a cikin sanarwar da ya fitar, inda ya ce, dakarun a wani aikin da suka yi a ranar 29 ga watan Julin 2022 kauyukan Tse-Ibor, Tse-Igbakyor, Akwana Ayinbe Logo da ke a karamar hukumar Loko a jihar Nasarawa sun yi artabu da ‘yan Bindigar inda suka kama biyu wani Usman Yau da Danladi Selfa tare da kwace makamai kamar su AK 47 daya da albarusai da sauransu.
Ya ce sun kuma kama dan ta’adda Moses Aindigh da wani dan bindiga IIiyasu Mohammed a kauyen Kukyro a Nasarawa.
Onyeuko ya ce, a ranar 4 ga watan Agusta dakarun sun Kubutar da Uchenna Edoga da kuma Ebuka Nnadi daga gun masu garkuwar a Kasuwa Ali da ke a Gundumar Gindiria karamar hukumar Mangu a jihar Filato.
