Sojoji Sun Kashe ‘Yan Ta’addar ISWAP 11, Sun Rusa Sansanoni A Dajin Sambisa

Dakarun sojin Hadin guiwa ta sojoji da ‘yan banga (OPHK) sun kashe wasu da ake zargin ‘yan ta’addan ISWAP ne su 11 a wani hari da sojojin suka kai a cikin dajin Sambisa da ke jihar Borno.

‘Yan ta’addan sun gamu da ajalinsu ne a lokacin da jami’an suka samu rahoton sirri sannan suka farmake su a tsakanin ranar 31 ga watan Mayu zuwa 4 ga watan Yunin 2023 a maboyar ‘yan ta’addan da ke cikin kananan hukumomin Damboa da Chibok.

• Sojoji Sun Kubutar Da Wasu ‘Yan Matan Chibok 2 Bayan Shekara 9 A Hannun Boko Haram

Majiyoyin leken asiri na kusa da Zagazola Makama, kwararre a fannin yaki da ‘yan tada kayar baya, kuma mai sharhi kan harkokin tsaro a yankin tafkin Chadi, sun bayyana cewa, sojojin sun kai mai ‘yan ta’addan hari ne kuma sun yi nasara tare da tarwatsa wasu maboyar ‘yan ta’addan a Bale, Tirke, Mandari, Molgoi, Bego, Yarwa da Ngurna.

Majiyoyin sun sake shaida cewa, an samu nasarar kwato wasu makamai da alburusai da sauran kayan yaki a yayin farmakin da sojojin hadin guiwar suka kai.

Sulaiman

+ postsBio

• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi
• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”