A Watan Mayu Da safiyar yau 16 ga wata, ofishin yada labarai na majalisar gudanarwa ta Sin ya gudanar da taron manema labarai, inda wani jami’in hukumar kididdiga ta kasar ya bayyana cewa, a watan Mayun bana, sha’anin samar da kayayyaki a kasar ya samu ci gaba cikin kwanciyar hankali, kuma bangaren samar da aikin yi da farashin kayayyaki sun kasance cikin kwanciyar hankali gaba daya, kana karfin juriyar fannin cinikin waje ya ci gaba da karuwa. Ban da haka kuma sabbin karfin samun bunkasuwa na habaka yadda ya kamata. Gaba daya, tattalin arzikin kasar yana tafiya cikin kwanciyar hankali, har ya bunkasa bisa dogaro da kirkire-kirkire masu inganci.
Bangaren masana’antu ma na bunkasa cikin sauri. A watan Mayu, darajar masana’antu masu girma a fadin kasar ta karu da kashi 4.5% idan aka kwatanta da shekarar da ta gabata.
Ayyukan ba da hidima sun samu karuwa cikin kwanciyar hankali. Dadin dadawa, kididdigar samar da ayyukan hidima ta karu da kashi 4.4% idan aka kwatanta da shekarar da ta gabata.
Daga watan Janairu zuwa Mayu, darajar kayayyakin da aka sayar ta ci gaba da karuwa. Bugu da kari, zuba jari a ababen more rayuwa ya ci gaba da karuwa, yayin da zuba jari a ikon mallakar ilimin ya karu cikin sauri. Jimillar cinikayyar shige da fice ta kai yuan tiriliyan 4.4516, wadda ta karu da kashi 16.9% idan aka kwatanta da shekarar da ta gabata, kuma tsarin cinikayyar ya kara inganta. Kazalika, yanayin samar da aikin yi na cikin kwanciyar hankali. A watan Mayu, adadin rashin aikin yi a birane da garuruwa ya ragu zuwa kashi 5.1%. (Amina Xu)
