Da misalin karfe 1 da minti 36 na daren yau, 17 ga watan Afrilu, ‘yan sama jannatin Shenzhou-21 Zhang Lu, Wu Fei, da Zhang Hongzhang, sun kammala aikin hada na’urorin kiyaye tashar sararin samaniya daga sassan wasu na’urorin da aka sanya a sararin samaniya da kuma duba lafiyar kayan aikin da ke wajen tashar sararin samaniya ta kasar Sin cikin nasara bayan kusan sa’o’i 5.5 na aikin tattaki a waje, tare da hadin kai da na’urori masu hannun inji da goyon bayan masu bincike a doron kasa.
‘Yan sama jannatin Zhang Lu da Wu Fei sun dawo lafiya cikin dakin gwaji na Wentian, kuma aikin tattaki a wajen tashar ya samu cikakkiyar nasara.Ya zuwa yanzu, dan sama jannati Zhang Lu ya gudanar da ayyukan tattaki a waje har sau 7, wanda ya zama sabon adadi na yawan ayyukan tattaki a wajen tashar binciken sararin samaniya na ‘yan sama jannatin kasar Sin. (Amina Xu)
