Tinubu Ya Yi Balaguro Zuwa Faransa Don Halartar Wani Taro Amma Ba’a Fadi Ranar Da Zai Dawo Ba

Dan takarar shugaban kasa na jam’iyyar APC mai mulki, Asiwaju Bola Ahmed Tinubu, ya yi Balaguro a safiyar yau Litinin zuwa kasar Faransa bayan ya gana da shugaban kasa Muhammadu Buhari a fadar shugaban kasa da ke Abuja.

A wata sanarwa da mai taimaka masa a fannin yada labarai, Tunde Rahman ya fitar a ranar Litinin, ya ce Ahmed Tinubu ya tafi birnin Paris na kasar Faransa domin gudanar da wasu muhimman taruka.

• Har Yanzu Ina Neman Abokin Takara — Tinubu

Ya kara da cewa ana sa ran dan takarar na shugaban kasa a karkashin jam’iyyar APC zai dawo kasar nan ba da jimawa ba.

Tun da farko kafin tafiyar tasa, Tinubu ya halarci taron kaddamar da wani littafi mai take ‘Mai girma Shugaban majalisa’ Wanda akayi taron domin bikin cika shekaru 60 da Haihuwar shugaban majalisar wakilai, Femi Gbajabiamila, a Abuja ranar Lahadi.

Sulaiman

+ postsBio

• Sulaiman

  An Kammala Cikakken Zama Na JKS Inda Aka Amince Da Kudurin Ci Gaba Da Bin Cikakken Tsarin Shugabancin Kai Na Jam’iyyar
• Sulaiman

  An Kaddamar Da Taron Kirkire-Kirkire Da Ci Gaba Ba Tare Da Gurbata Muhalli Ba Na Ziri Daya Da Hanya Daya A HK
• Sulaiman

  Ci Gaban Sarrafa Kayayyakin Laturoni Da Na Manyan Fasahohi Ya Ingiza Ribar Da Masanaantun Kasar Sin Suka Samu
• Sulaiman

  Fahimtar Cikakken Zaman Kwamitin Tsakiyar JKS