Shekaru 90 da suka gabata, wasu matasa sanye da takalman ciyawa suka haye tsaunuka masu dusar kankara da ratsa filin ciyayi mai fadi, suka kammala tafiya mai tsawon kilomita 12,500 a cikin mawuyacin hali (matakin da JKS ta dauka don magance kawanyar da aka yi mata a lokacin yakin basasa).
Abin da ya taimaki wadannan matasa shi ne ra’ayin “sanya muradun kasa da jama’a a gaban komai, da imanin samun nasarar gudanar da harkokin cikin adalci,” wanda Sinawa ke kira “babban ruhin doguwar tafiya”.
Tushen wannan ruhi ya samo asali ne daga manufar da jam’iyyar kwaminis ta Sin JKS ta kafa tun lokacin kafuwarta a shekara ta 1921, wato sanya muradun jama’a a gaban komai da amfanar da su a ko da yaushe. Sin tana maimaita wannan ruhi a harkokin gina ababen more rayuwa da yin kwaskwarima da kawar da talauci da kokarin raya kimiyya da fasaha.
A shekara ta 2021, lokacin da JKS ta cika shekaru dari da kafuwa, an tsara wadannan ruhin don su zama wani cikakken tsari, wato tsarin ruhin ‘yan jam’iyyar kwaminis ta Sin, matakin da ya tattara karfin tinkarar kalubloli da mawuyancin hali da shawo kan barazana da JKS ta taba fuskanta, don goyon baya da karfafa wa jam’iyyar gwiwar jagorantar al’ummar kasar da yawansu ya kai biliyan 1.4, don samun ci gaba da samar da abubuwan al’ajabi. (Amina Xu)
