Rundunar ‘yansandan jihar Adamawa ta cika hannu da wani mutum mai suna Linus Dimas, dan shekara 43, bisa zargin yiwa (Clark), sakataren kotun yanki kisan gilla a garin Kugama Wuro-Jibir, cikin karamar hukumar Mayo-Belwa a jihar Adamawa.
Cikin wata sanarwar manema labarai da jami’in hulda da jama’a na rundunar SP Suleiman Yahya Nguroji, ya aikwa manema labarai ta ce “ranar Litinin, Linus Dimas, yaki amsa gayyatar da kotu ta aiki Clark Ya’uba Usman ya kai masa.
“Ya’uba Usman, ma’aikacin kotun yanki da ke Nasarawo Jereng, wanda ake zagin ya yayyankishi da wuka a wurare da dama a jiki, da ya jijjiciwo mai tsanani.
“Anyi gaggawar kai Sakataren Ya’uba asibiti, amma aka tabbatar ya mutu” inji sanarwar SP Suleiman Ngruroje.
Yahaya Nguroji, ya ce tuni kwamishinan’yansandan jihar CP Afolabi Babatola, yayi umurnin gudanar da cikakken bincike kuma a tsanake kan lamarin.
