Shugaban kasar Sin Xi Jinping ya bayyana a yau Alhamis cewa, a yayin da ake fuskantar sauye-sauyen da ba a taba ganin irinsu ba a duniya, kasashen Sin da Rasha sun ci gaba da zurfafa amincewa da juna ta fuskar siyasa, da hadin kai bisa manyan tsare-tsare, da kiyaye daidaito da hadin gwiwa a harkokin kasa da kasa, da sanya kwanciyar hankali da kyakkyawan kuzari a duniyar mai fuskantar sauyi da tashe-tashen hankula.
Xi ya bayyana hakan ne a lokacin da yake tattaunawa da shugaban kasar Rasha Vladimir Putin yayin ziyarar da ya kai kasar ta Rasha. Yana mai cewa, dangantakar dake tsakanin Sin da Rasha ta samu ci gaba mai dorewa, cikin koshin lafiya kuma a babban mataki, sakamakon kokarin hadin gwiwa daga bangarorin biyu. Ya kuma yaba da kyakkyawar makwaftaka da kawance na dogon lokaci, da hadin gwiwar moriyar juna a matsayin wani muhimmin yanayi na dangantakar dake tsakanin kasashen biyu.
Xi ya kara da cewa, kasar Sin ta kasance babbar mai bayar da gudummawa da daidaita ci gaban tattalin arzikin duniya tsawon shekaru, kana kasar Sin a shirye take ta yi aiki tare da kasar Rasha wajen kiyaye tsarin cinikayyar duniya bisa ra’ayin bangarori daban daban, da kiyaye tsarin masana’antu da samar da kayayyaki cikin kwanciyar hankali ba tare da cikas ba. (Mai fassara: Mohammed Yahaya)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
