A kwanan nan shugaban kasar Sin Xi Jinping ya bayar da muhimmin umarni, wanda a cikinsa ya ce kananan kayayyakin da birnin Yiwu ya samarwa dukkanin fadin duniya sun yi nasara a manyan kasuwanni, sun kuma zama manyan masana’antu, tare da hawan matsayin “kwarewar ci gaban Yiwu”, wanda hakan nasara ce da aka samu a kananan gundumomi bisa la’akari da yanayin kansu.
Xi ya jaddada cewa, ya kamata a kara takaita, da kuma amfani da “kwarewar ci gaban Yiwu”, don samar da jagoranci ga kowane yanki, ta yadda zai iya bunkasa kansa bisa albarkatun da yakd da shi, da mutunta aikin kirkire-kirkire da jama’a ke yi, da kuma yin gyare-gyare ga fannin kirkire-kirkire, da aiki bisa zuciya cikin dogon lokaci, ta yadda za a binciko hanyar ci gaba mai inganci da ta dace da yanayin kowanne yanki, da kuma ba da kyakkyawar hidima da shiga cikin babban yanayin ci gaban kasa.
A halin yanzu, adadin yawan rumfuna masu gudanar da sana’o’i a kasuwar kananan kayayyaki ta Yiwu ya wuce miliyan 1.26, kuma suna da cinikayya da kasashe da yankuna sama da 230 a duk fadin duniya.
A shekara ta 2025, darajar fitar da kayayyaki zuwa kasashen waje ta Yiwu, ta kai matsayin farko a matakin gundumomi a fadin kasar Sin. (Amina Xu)
