Hukumar kula da makamashi ta kasar Sin ta ce jimilar man fetur da gas da Sin ta samar ya kai ton miliyan 420 a 2025, watau idan aka kwatanta yawan gas din da man fetur, adadin da ya kai wani sabon matsayi.
A cewar rahoton da hukumar ta fitar jiya Talata, danyen man fetur da kasar Sin ta samar ya kai matsayi mafi koli na ton miliyan 216 a 2025, yayin da aka shiga shekara ta 9 a jere, da yawan iskar gas da ta ke samarwa ke karuwa da sama da cubic mita biliyan 10 a shekara, wannan na nuna ingantuwar karfin kasar na wadatar makamashi bisa dogaro da kanta.
Bugu da kari, adadin danyen man da ke makale cikin duwatsu da ta hako a 2025, ya zarce ton miliyan 8.5, wanda ya ninka na 2018 sama da sau 10. (Mai fassara: Fa’iza Mustapha)
ADVERTISEMENT
