A yau Jumma’a, an gudanar da taron manema labarai game da bikin fina-finai da shirye-shiryen talabijin na duniya na Shanghai na shekarar 2026, a birnin Beijing.
An sanar a wurin taron cewa, bikin fina-finai na duniya na Shanghai karo na 28 zai gudana daga ranar 12 zuwa 21 ga watan Yuni, kana bikin shirye-shiryen talabijin na Shanghai karo na 31 kuma zai gudana daga ranar 22 zuwa 26 ga Yuni, inda duka biyun za su wakana ne a birnin Shangahi na kasar Sin.
Bikin fina-finai na duniya na Shanghai karo na 28 ya karbi fina-finai kimanin 4,100 da aka yi musu rajista daga kasashe da yankuna 125, inda hakan ya kafa sabon tarihi a bikin.Kazalika, bikin shirye-shiryen talabijin na Shanghai, ya karbi shirye-shiryen talabijin sama da dubu da aka yi wa rajista daga kasashe da yankuna 60 domin kara tallata shi ga kasashen duniya. (Mai fassara: Abdulrazaq Yahuza Jere)
