Kocin Super Eagles, Jose Peseiro ya bayyana cewar ya matukar dora yardarsa akan dan wasan Napoli, Victor Osimhen don taimaka wa Nijeriya ta lashe gasar cin kofin Afirka na 2023 mai zuwa a Cote d’Ivoire.
Osimhen shi ne ya fi zura kwallaye a wasannin share fage inda ya jefa kwallo 10 a raga.
- AFCON 2023: Kasar Da Ta Lashe Gasar Kofin Afirka Za Ta Samu Kyautar Naira Biliyan 6.53
- Dole Mu Yi Taka-tsantsan Wajen Fitar Da ‘Yan Wasan Da Za Su Wakilci Nijeriya A AFCON – Peseiro
Ana sa rai cewa Osimhen zai taka rawar gani duba da cewa shine ya lashe kyautar gwarzon dan wasan maza a kyautar CAF a watan Disambar da ya gabata.
ADVERTISEMENT
Peseiro kuma yana fatan Osimhen ya lashe kyautar wanda ya fi zura kwallaye a gasar.
Ina fatan ya lashe kyautar wanda yafi zura kwallo a raga ya kuma taimaka mana mu lashe gasar inji Peseiro.
