Sakamakon korafe-korafe kan yadda aka tsara tawagar yakin neman zaben jam’iyyar APC na zaben 2027, na iya haifar da tashin hankali a fadar shugaban kasa, wanda ya tilasta yi garanbawul a tawagar.
Daga arewacin kasar, wata kungiyar matasa da ke goyon bayan sake zaben Shugaban kasa, Bola Tinubu, ta yi barazanar janyewa daga ayyukan goyon bayan Tinubu idan har ba a cire tsohon gwamnan Jihar Borno, Sanata Ali Modu Sheriff ba daga tawagar yakin neman zaben shugaban kasa na APC.
Haka Zalika, tsohon mai magana da yawun yankin kudu maso gabas na tawagar yakin neman zaben Shugaban kasa Tinubu da Shettima, Denge Onoh, ya soki sabon tawagar yakin neman zaben mai mambobi 223 da aka fitar don zaben 2027, yana gargadin cewa yadda aka tsara shi na iya rage damar Tinubu na sake samun cin zabe.
Sai dai kungiyoyin hararen hula da lauyoyi da ‘yan adawa sun yi watsi da sanarwar da daraktan yakin neman zaben shugaban kasa na jam’iyyar APC, Sanata Abdul’Aziz Yari, inda ya ce jam’iyyar mulki za ta ci gaba da mulki har bayan shekara 2031, sun ce ikon siyasa na hannun masu zabe ne ba na kowace jam’iyya ba.
A lokacin watsi da rahotanni marasa kyau game da jerin tawagar yakin neman zabe, fadar shugaban kasa ta ce tsarin yana nan amma za a yi wasu gyare-gyare.
Kungiyar matasa da ke goyon bayan tazarcen Tinubu a 2027, a cikin korafita wanda aka aika wa shugaban jam’iyyar APC, ta ce kungiyar ta kasance mai jajircewa kan sake zaben Tinubu amma ba za ta iya ci gaba da fadakar da jama’a a karkashin tsarin da ake da shi ba.
Shugaban kungiyar, Sani Zangina, ya ce abin da kungiyar ke korafi kai shi ne, nada Sheriff a matsayin mai shirya yakin neman zabe na yankin arewa maso gaba na tawagar yakin neman zaben shugaban kasa na APC na 2027.
Zangina ya ce, “Goyon bayanmu ga shugaba ba zai gushe ba, amma ba za mu iya ci gaba da bayar da goyon baya na son rai a karkashin tsarin da ke sanya Sheriff a gaba a yakin neman zaben a arewa maso gabas ba.”
A cewar kungiyar, rawar da Sheriff ke takawa a yakin neman zaben shugaban kasa na iya shafar APC da kuma kwarin gwiwar masu goyon bayan Tinubu wajen sake zabarsa.
Shi ma a cikin wata sanarwa, Onoh ya zargi cewa manyan masu ruwa da tsaki na APC da mabiya na asali daga kudu maso gabas an tauye su sosai a sabon tsarin tawagar yakin neman zabe.
Ya ce jerin tawagar yakin neman zaben akwai kabilanci da son zuciya, yana gargadin cewa wannan iya raunana goyon bayan shugaban kasa kafin zaben 2027.
Kwamitin yakin neman zabe, wanda aka sanar a karshen mako, Tinubu a matsayin shugaba, yayin da mataimakin shugaba kasa, Kashim Shettima, a matsayin mataimaki da shugaban APC na kasa, Nentawe Yilwatda, a matsayin mataimakan shugaban.
