A Watan Nuwamba Za Mu Raba Sabbin Katunan Zaben Da Aka Yi Rijista —INEC

Hukumar zaɓe ta ƙasa, INEC ta bayyana cewa a cikin watan Nuwamba mai zuwa ne duk waɗanda suka yi sabuwar rajista za su karɓi katunan su na je fa ƙuri’a.

Shugaban Hukumar, Farfesa Mahmood Yakubu ne ya bayyana haka a wani babban taro da ya halarta, wanda ya gudana a birnin Washington DC da ke ƙasar Amurka, inda ya bayyana cewa kashi hamsin cikin ɗari na waɗannan katuna suna nan, amma ba a riga an tura su wuraren da za a karɓa ba.

• 2023: Jam’iyyu 18 Ne Za Su Yi Takarar Gwamna A Jihohi 28, ‘Yan Takara 10,231 Ke Neman Kujerar Majalisar Dokoki —INEC

Haka kuma, a cikin jawabin nasa, Farfesa Mahood Yakubu ya bayyana cewa Hukumar tasa ta soke rajistar mutum miliyan 2.7 waɗanda aka samu sun yi rajista fiye da sau ɗaya.

Shugaban ya kuma nuna matuƙar damuwar sa bisa rashin tsaro da ya addabi sassan ƙasar nan, wanda ya ce ba ƙaramin tasgaro ba ne ga hukumar.

Ya ce, wannan abu daɗaɗɗe ne, amma abin damuwar ita ce, a da wani ɓangare ne na ƙasar ke fama da rashin tsaron, wato yankin Arewa maso Gabas, amma yanzu abin ya zama ya watsu zuwa ko’ina.

“Amma dai muna nan mun sanya idanun mu, musamman a yankunan Arewa maso Yamma da Kudu maso Gabas na ƙasar nan. Domin mutane ne fa ke gudanar da zaɓen nan,” inji shi.

Sulaiman

+ postsBio

• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi
• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”