Shugaban jam’iyyar APC na kasa, Sanata Abdullahi Adamu, ya kori ‘yan jaridar da suke nado irin wainar da ake toyawa kai-tsaye kan batun zaben fitar da gwani na jam’iyyar APC daga sakatariyar jam’iyyar na kasa da ke Abuja.
Rahotanni na cewa, daukar matakin korar ‘yan Jaridar a biyo bayan fusatar da ya yi kan tutsun da ‘ya’yan jam’iyyar suka yi masa a taron.
- 2023: Gwamnonin APC Daga Arewa Sun Kafe Kai Da Fata Sai Dan Kudu Ya Yi Takara
- Tsohon Sakataren Jam’iyyar APC Ya Fice Daga Jam’iyyar
Daya daga cikin jami’an tsaron da ke aiki a sakatariyar, ya fada wa ‘yan jaridar cewa su fice daga harabar sakatariyar, yana mai cewa umarnin shugaban jam’iyyar ne wannan.
Wannan matakin dai na zuwa ne kasa da awa guda da kusoshin Jam’iyyar suka dauka kan matakin da shugaban Jam’iyyar ya dauka na sanar da cewa Shugaban Majalisar Dattawa, Ahmad Lawan, shi ne dan takarar shugaban kasa na jam’iyyar da aka zakulo ta hanyar masalaha.
