A daren jiya Talata ne aka bude bikin kasa da kasa na makon nuna fina-finan zane mai motsi na birnin Chongqing na 2026, bikin da kafar CMG da gwamnatin birnin Chongqing na Sin suka dauki nauyin shiryawa.
A wannan karo bikin na gudana ne a yankin Yongchuan dake birnin Chongqing, ya kuma kunshi gasar lashe lambar yabo ta “Golden Camellia”, wadda ta janyo fina-finai 501 daga kasashe da yankunan duniya 18, ciki har da Sin, da Amurka da Faransa, wadanda za su fafata don neman lashe ta.
Ana sa ran bayyana sakamakon karshe na gasar, da yammacin ranar Juma’a 12 ga watan nan na Yuni yayin bikin rufe bikin. A bana, makon nuna fina-finan zane mai motsi ya janyo karin cibiyoyin cikin gida da na waje masu nasaba sama da 40.
Kana ana sa ran rattaba hannu kan takardun amincewa da tarin ayyukan hadin gwiwa na kasa da kasa yayin bikin. (Mai fassara: Saminu Alhassan)
Discussion about this post