An Gano Sama Da Yara 50 Da Aka Sace A Wani Cocin Ondo

An gano wasu yara da ake zargin an sato su ne a wani gidan coci a daren Juma’a a unguwar Valentino da ke karamar hukumar Ondo ta Yamma a jihar Ondo.

Daily post Nigeria ta ruwaito cewa, A cewar bayanan da aka tattara, ana zargin cewa, yaran an yi garkuwa da sune sannan aka boye su a wani ginin cocin da aka gina shi a karkashin kasa.

• Mun Cafke Wadanda Ake Zargi Da Kai Hari A Cocin Katolika Dake Ondo – Amotekun

Wata majiya ta bayyana cewa yaran sun haura 50 a lokacin da ‘yan sanda suka ceto su, inda aka bayyana cewa ‘yan sanda sun tsare limamin cocin da wasu jagororin cocin.

A cikin wani faifan bidiyo da aka yi ta yadawa, an ga yaran da jami’an tsaro acikin motar jami’an ‘yan Sandan suna tafiya zuwa ofishin hukumar ‘yan sandan.

Da yake tsokaci Kan afkuwar lamarin, jami’in hulda da jama’a na rundunar ‘yan sandan jihar, SP Funmilayo Odunlami, ya tabbatar da cewa an kawo yaran hedikwatar ‘yan sanda da ke Akure.

Sulaiman

+ postsBio

• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi
• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”