An Kashe ‘Yan Boko Haram 49 A Sansaninsu 3 Yayin Luguden Wuta Ta Sama

Akalla ‘yan kungiyar Boko Haram 49 dakarun sojin sama suka hallaka a yayin luguden wuta ta sama ta hanyar amfani da Jiragen yaki samfarin Super Tucano .

An hallaka su ne a sansaninsu dake yankin Gargash Minna da Gazuwa a karamar hukumar Bama, cikin Dajin Sambisa na jihar Borno.

• Sojoji Sun Kashe Mayakan Boko Haram 6, Sun Kama Wasu A Borno

Fitaccen masani a fannin tsaro Dake tafkin Chadi, Zagazola Makama, ya bayyana cewa, an yi luguden wutar ne a lokacin da ‘yan ta’addan ke cikin motarsu a yankin na Gargash, inda dukkanin wadanda ke cikin motar suka mutu.

An kuma ruwaito cewa, a ranar 32 ga watan Agustan 2022, dakarun sun sake kai wani harin ta sama a kan ‘yan ta’addar a yankin Gazuwa inda Jirgin saman ya hallaka wasu ‘yan ta’addar tare da lalata makamansu a yankin na Gazuwa, kuma dakarun sojin sun kashe wasu 16.
.