Jam’iyyar APC ta bayyana cewa ta kammala shiri don taron ta na ƙasan a wannan mako. Ta kuma ce a shirye take domin zaɓen 2027.
Shugaban kwamitin tsara taron, Aminu Masari, ya bayyana hakan a Abuja ranar Litinin. Ya yi jawabi tare da wasu shugabannin jam’iyyar bayan wani gangamin taron muhalli.
- 2027: Cikin Ƴan APC Ya Ɗuri Ruwa Saboda Tasirin Makinde – Ƙungiyar PDP
- Rikice-rikicen Da Suka Addabi PDP Ne Suka Sa Na Koma APC — Gwamnan Zamfara
Gangamin mai taken “Let’s Go Green” ya nuna shirye-shiryen jam’iyyar. Masari ya jaddada cewa APC na da ƙwarin gwuiwar samun nasara a zaɓe mai zuwa.
Ya ce duk da ƙalubale, jam’iyyar ta shirya tsaf domin gudanar da taro cikin nasara. Ya kuma yaba da ƙoƙarin masu shirya gangamin muhallin.
Tsohon gwamnan Cross River, Ben Ayade, ya ce APC na da ƙarfin gudanar gudanar da taro lafiya. Ya kuma bayyana cewa jam’iyyar na sake tsara kanta domin komawa mulki.
Shi ma Yakubu Dogara ya ce taron zai nuna irin ƙwarewar jam’iyyar. Ya ƙara da cewa manufofin gwamnati za su fara bayyana sakamako nan gaba.
Sanata Uche Ekwunife ta yaba da halartar gangamin da aka yi. Ta jaddada cewa APC na da tabbacin nasara a zaɓen 2027.
