Ma’aikatar aikin gona da kula da harkokin yankunan karkara ta kasar Sin ta sanar a yau Jumma’a cewa, yawan hatsin da kasar ta girbe da lokacin zafin bana ya kai wani sabon matsayi na tan miliyan 150.75, inda ya zarce adadin tan miliyan 150 a karon farko.  Mataimakin ministan aikin gona da kula da harkokin yankunan karkara, Zhang Xingwang, ya fada wa wani taron manema labarai cewa, ya zuwa yanzu kasar ta samar da jimillar filayen noma masu inganci da suka haura hekta miliyan 66.7, lamarin da ya ba da damar girbe amfanin gona mai yawa da ke samun karuwa a jere.  A rabin farko na shekarar, kasar Sin ta kuma kara kaimi wajen bunkasa masana’antarta ta samar da iri. A halin yanzu dai, nau’o’in amfanin gona da aka samar a cikin gida sun kai fiye da kashi 95% na jimillar wadanda aka shuka a filayen noma. (Abdulrazaq Yahuza Jere) 

Wani bincike kan ra'ayoyin jama'a da cibiyar bincike ta Pew ta kasar Amurka ta gudanar kwanan nan ya nuna cewa,...

A watan Yulin shekara ta 2026, a birnin Shanghai. A wurin taron raya kirkirarriyar basira ko AI na duniya, mahalarta...

Kasar Sin ta ci gaba da kasancewa wuri mai jan hankulan masu zuba jari daga kasashen waje, inda kamfanoni kusan 4,800 masu jarin waje suka kara yawan jarin da suke zubawa a kasar a rabin farko na shekarar 2026, kamar yadda aka bayyana a wani taron manema labarai da ofishin yada labarai na majalisar gudanarwar kasar Sin ya gabatar a yau Alhamis.  A cikin watanni shida na farko na shekarar, kasar Sin ta samu karuwar kafa sabbin kamfanoni masu jarin waje da kashi 5.3% a mizanin shekara-shekara, inda jarin waje da ake zubawa kai-tsaye (FDI) wanda ake amfani da shi a zahiri ya kai yuan biliyan 402.1, watau kwatankwacin dala biliyan 59.2. Tsarin zuba jarin waje ya ci gaba da samun bunkasa, inda jarin da aka zuba a masana’antun manyan fasahohin zamani ya karu da kashi 33.2% a mizanin shekara-shekara, wanda ya kai kashi 42.4% na daukacin jimillar da aka zuba. (Abdulrazaq Yahuza Jere) 

Ofishin yada labarai na majalisar gudanarwa ta kasar Sin ya shirya taron manema labarai a yau Alhamis, domin yin bayani a kan ayyukan kasuwanci da yadda aka tafiyar da su a rabin farkon shekarar 2026. Shugabar sashen kula da jarin waje na ma'aikatar kasuwanci ta kasar, Meng Huating ta mayar da amsa ga tambayoyin da suka shafi harkokin tattalin arziki da cinikayya tsakanin Sin da Amurka, inda ta bayyana cewa, a halin yanzu, tawagogin kasuwanci na bangarorin biyu suna tuntubar juna game da tsarin kwamitin cinikayya, ayyukansa, da kuma yadda za a gudanar da shi, kana suna tattaunawa kan yadda za su ciyar da shirin rage harajin fito na yi-min-na-rama na dala biliyan 30 ga kowane bangare gaba.  Jami’ar ta kuma kara da cewa, bangaren Sin yana sauraron ra'ayoyin masu ruwa da tsaki daban-daban, ciki har da kamfanoni da kungiyoyin kasuwanci na cikin gida, da kananan hukumomin kasar, da kuma kungiyoyin kasuwanci na kamfanonin jarin Amurka da dai sauransu, game da shawarwarin tsarin rage haraji. Shi bangaren Amurka kuma yana neman ra'ayoyin jama'a game da kwamitin cinikayya da kuma ayyukan rage harajin fito.  A cewar jami’ar, bangarorin biyu za su ci gaba da tuntubar juna ta kut-da-kut, da gaggauta cimma matsaya kan tsarin rage haraji ga takamaiman kayayyaki tare da inganta aiwatar da shi, da nufin kara fadada cinikayyar da ke tsakaninsu. (Bilkisu Xin) 

Kwanan nan, Wang Yi, mamba a ofishin siyasa na kwamitin tsakiya na Jam’iyyar Kwaminis ta kasar Sin kuma ministan harkokin...

A shekarun baya bayan nan, jerin sakamakon binciken jin ra’ayoyin jama’a daga cibiyoyi mabanbanta, na kara shaida karbuwa, da gamsuwar...

Hukumar makamashi ta kasar Sin ko NEA a takaice, ta kaddamar da shirin bunkasa amfani da makamashi da ake iya sabuntawa, karkashin shirin raya kasa na shekaru biyar-biyar karo na 15, wanda kasar ke aiwatarwa tun daga shekarar nan ta 2026 zuwa 2030.  Kundin da hukumar ta NEA ta fitar da hadin gwiwar hukumar raya kasa da aiwatar da sauye-sauye a yau Alhamis a hukumance, ya nuna cewa ya zuwa shekarar 2030, jimillar karfin samar da makamashin da cibiyoyin da aka kafa na iya kaiwa kusan kilowat biliyan 3.5, inda a duk shekara ake hasashen samar da jimillar lantarkin da ta kai kusan kilowat-awa tiriliyan 6.   Kazalika, adadin karfin samar da makamashi ta iska da hasken rana na iya haura kilowat biliyan 2.8, yayin da jimillar lantarkin da za a samar duk shekara za ta haura kusan kilowat-awa tiriliyan 4.  Makamashi da ake iya sabunta amfani da shi na nufin wanda ake iya ci gaba da maimaita amfani da shi, da sake sarrafawa ta hanyoyin dabi’a cikin kankanen lokaci. Wadanda suka hada da wanda ake samu daga karfin ruwa, da iska, da hasken rana, da tururin halittu, da dumin karkashin kasa, da wanda ake samarwa daga teku. A daya bangaren kuma, sabbin makamashi na nufin wadanda ake iya samarwa daga sauran fannoni ban da ta karfin ruwa, kamar dai yadda kundin bayanin shirin ya fayyace. (Saminu Alhassan) 

A jiya Laraba 22 ga wannan wata ne aka gudanar da taron cika shekaru 25 da daddale yarjejeniyar hadin gwiwa,...

Memban hukumar siyasa ta kwamitin kolin jam’iyya kwaminis ta Sin, kuma ministan harkokin wajen kasar Sin Wang Yi, ya gana...