Bam Ya Fashe A Kano, Ya Kashe Mutane 5

A ƙalla mutane biyar sun mutu yayin da wasu 15 suka jikkata sakamakon fashewar wani bam da ya tashi a jihar Kano a ranar Asabar, 21 ga Yuni, 2025. Jami’an tsaro na ci gaba da binciken lamarin.

Kwamishinan Ƴansandan jihar, CP Ibrahim Adamu Bakori, ya bayyana cewa fashewar na iya kasancewa bam da Sojoji suke jigila, wanda aka yi samu akasi ya fashe. “Na ga abin kamar bama-baman Sojoji ne suka fashe,” in ji shi.

Daily Trust ta ruwaito cewa an kai waɗanda suka jikkata asibiti da ke kusa da wurin don samun agaji. Binciken farko ya nuna cewa wata babbar mota ce ke ɗauke da kayan fashewar a hanyar zuwa Jihar Yobe.

Har yanzu ba a tabbatar da ko motar Sojoji ce ke ɗauke da bam ɗin ba. Rundunar Ƴansandan ta ce tana ci gaba da bincike don gano musabbabin fashewar.

Kwamishinan ya kuma yi kira ga jama’a da su kwantar da hankalinsu, yana mai cewa za a ba da cikakken bayani bayan an gama binciken.

Abubakar Sulaiman

Website |  + postsBio

• Abubakar Sulaiman

  Shehu Buba Ya Zargi Gwamnan Bauchi Da Bai Wa Kansa Da Iyalansa Kwangiloli
• Abubakar Sulaiman

  SERAP Ta Bai Wa INEC Wa’adin Kwanaki 7 Ta Gurfanar Da Waɗanda Ake Zargi Da Rikicin Siyasa
• Abubakar Sulaiman

  ICPC Za Ta Fara Wallafa Sunayen Mamallakan Kadarorin Da Ta Ƙwace
• Abubakar Sulaiman

  Ƙasar Italiya Ta Ci Tarar Facebook Yuro Miliyan 805