Shugaban sashen kula da harkokin kasuwanci ta yanar gizo na ma’aikatar kasuwanci ta Sin ya gabatar da rahoton yanayin bunkasar kasuwanci ta yanar gizo na kasar a farkon watanni 4 na shekara ta 2026.
A farkon watanni 4 na shekara ta 2026, kasuwanci ta yanar gizo a Sin ya ci gaba da taka rawar gani wajen taimakawa karfafa tushen tattalin arziki na zahiri, ta hanyar habaka masana’antu bisa fasahar dijital, da kara kuzarin sayayya bisa bukatun jama’a, da kuma fadada damar hadin gwiwa a duniya.Bisa bayanan da ma’aikatar ta bayar, an ce, a farkon watanni 4 na bana, tallace-tallacen kayayyakin noma ta yanar gizo sun karu da kashi 12.2%.
Kasuwanci ta yanar gizo na taka rawar gani wajen jawo hankali masu sayayya, matakin da ya habaka harkokin yawon bude ido da sayar da abinci da sauran ayyukan hidima cikin sauri.
Bugu da kari, bisa bayanan hukumar kididdiga ta kasar, a farkon watanni 4 na bana, darajar tallace-tallacen kayayyaki da hidima ta yanar gizo ta karu da kashi 6.6%, kuma gudunmawar wannan bangare ga karuwar jimillar tallace-tallacen kayayyakin masarufi na al’umma ta kai kashi 72.2%.
Kazalika, darajar sayayyar hidimomin da suka shafi tafiye-tafiye ta yanar gizo da sauransu suna bunkasa kayayyakin dijital.
Manyan bayanan da ma’aikatar ta fitar na nuna cewa, a farkon watanni 4 na bana, tallace-tallacen na’urorin taimakon tafiya ga masu bukata ta musamman ta yanar gizo, sun karu da kashi 785.5%. (Amina Xu)
