A yau Litinin 9 ga watan Fabrairu, an gudanar da taron manema labarai kan “wasan Opera na shagulgulan bikin bazara na 2026” na babban rukunin gidajen rediyo da talabijin na kasar Sin (CMG) a nan birnin Beijing. An fara gudanar da shagulgulan bikin ne a kyakkyawan yankin Guangxi mai cike da wurare masu ban sha’awa. A cikin yanayin murna da farin ciki, bikin na bazara, ya samar da sabon salo na zamani da kuma hanyoyin da matasa ke rungumar yada wasan na Opera na gargajiya.
Shagulgulan bikin sun bullo da kayatattun abubuwa masu ban sha’awa daga fitattun al’adun gargajiya na Sinawa, tare da yin amfani da sabbin fasahohi domin taimaka wa fasahar gargajiya ta ci gaba da haskakawa tare da kaifin basira na zamani. Ta hanyar amfani da hotuna domin isar da sako, tsarin shagulgulan ya hade abubuwan al’adu na mabambantan kasashen ASEAN, inda yake gabatar da abin birgewa na kasa da kasa ta fuskar fahimtar juna a tsakanin jama’a da kuma neman sanin wayewar kai daban-daban a tsakanin al’ummomi. (Mai fassara: Abdulrazaq Yahuza Jere)
