Gwamnatin Jihar Kwara, ta sanar da ƙaddamar da shirye-shiryen ƙara faɗaɗa fannin kiwon dabbobi na jihar.
Gwamnatin, ta yi hasashen ƙara faɗaɗa fannin, wanda ta yi ƙiyasin samun aƙalla dala biliyan 32 zuwa dala biliyan 70 nan da shekara goma mai zuwa.
Kwamishiniyar Bunƙasa Fannin Kiwon Dabbobi ta jihar, Madam Oloruntoyosi Thomas ce, ta sanar da hakan.
Oloruntoyosi, ta sanar da hakan ne, a taron mako na 2026 da ƙungiyar ƴan jarida da ke aiki a jihar ta shirya.
Taken taron shi ne, “Bunƙasa Fannin Kiwon Dabbobi Cikin Sauyin Da Aka Samu Na Amfani Da Fasahar Zamani”.
Kwamishiniyar ta dangnta fannin, a matsayin wanda yake kan gaba, wajen bunƙasa fannin tattalin arziƙi da samar da aikin yi a ƙasar.
Ta ƙara da cewa, gwamnatin Gwamna AbdulRahman AbdulRazaƙ, na ƙara maganar bunƙasa kiwon dabbobi, amma tana ƙara mayar da hankail wajen samar da dabarun zuba jari da kuma samar da tsare-tsaren ɗauki ga fannin.
A cewarta, manufar gwamnatin, ta haɗa da; ƙara haɓaka kiwon dabbobi da ƙara ƙarfafa fannin da kuma zuba jari, musamman domin rage shigo da dabbobi zuwa cikin ƙasar, wanda hakan zai sanya Nijeriya ta yi kafaɗa da kafaɗa da sauran ƙasashen duniya a fannin na kiwon.
Ta ci gaba da cewa, Kwara na kuma amfana da shirye-shiryen samar da ɗauki, kamar na, LPRES da kuma na SAPZ.
Kwamishiniyar ta sanar da cewa, aikin na SAPZ, zai kuma samar da wasu kayan aiki da suka haɗa da; waɗanda za a yi amfani da su, mayankar dabbobi da asibitin duba lafiyar dabbobi da sauransu.
A nasa jawabin, shugaban ƙungiyar ta NUJ masu ɗauko rahoto, Biola Azeez, ya sanar da cewa; ƙungiyar na bayar da gudunmawa, wajen samar da maudu’in da za a tattauna a kansa, domin ƙara ciyar da ƙasar gaba
Discussion about this post