Akwai dabaru na zamani da ake yin amfani da su wajen yi wa ƴaƴan itatuwa aure, wato ma’ana, ana yanko wani sashe ne na wani daga cikin ƴaƴan itatuwa, sai a dasa shi a jikin wani ƴaƴan itatuwan da ake buƙata a haɗa su yi aure.
Waɗannan dabarun, ba sai an damu wani yanko jijiyar bishiya kafin a gudanar da ita ba, akwai kuma buƙatar ma’aikatan da ke renon ƴaƴan, su san yadda ake dashen na ƴaƴan itatuwan.
A wannan sharhin, za a fahimci dabarun na zamani da ke da amfani na yin dashen na ƴaƴan itatuwan da kuma sauran wasu dabarun da ba za a iya yin amfani da su a yi dashen na ƴayan itatuwan ko kuma ta hanyar yin amfani da Irin noma ba.
Za a iya samun sa’ar yin auren na ƴaƴan itatuwan ne, idan jinsinsu ya yi daidai da juna.
Akasari, an fi yin dashen ne yayin hunturu ko kuma a lokacin bazara, haka kuma ana iya yi daga tsakanin watan Yuli da Agusta da na Satumba, ko kuma a wani lokaci na daban.
Ba a ɓata wani lokaci da kuma kashe wasu kuɗaɗe masu yawa, idan za a yi dashen.
Akwai hanyoyi da dama da ake yin amfani da su, idan za a yi dashen na ƴaƴan itatuwan.
Wasu Daga Cikin Hanyoyin Da Ake Bi Domin Yin Auren ƳaƳan Itatuwa:
Ya danganta da irin ƴaƴan itatuwan da ake son a yi dashen da su a lokacin da kuma shekarar ta hanyar yin amfani da hannu.
Kayan Da Ake Amfani Da Su Domin Dashen:
Akwai kayan da ake amfani da su da dama, domin yin dashen, inda wasu daga cikinsu suka haɗa da kamar wuƙa ko kuma amfani da hannu.
