Kocin kungiyar kwallon kafa ta Manchester United, Eric Ten Hag na fuskantar matsi daga mahukuntan kungiyar akan yadda Manchester United ke fama a wannan kakar wasa ta bana.
Duk da cewar tsohon kocin na Ajax ya doke abokiyar hammayyar United Manchester City a wasan karshe na kofin kalubale na FA a bara,hakan bai hana magoya bayan kungiyar nuna gajiyawa da salon taka wasan Red Devils din ba.
A wasanni 124 da Ten Hag a jagoranci Man Utd tun bayan zuwanshi a shekarar 2022 ya samu nasara sau 71 canjaras 18 sannan aka doke shi a wasanni 35.
Majiyoyi da dama sun tabbatar da cewar mahukuntan Manchester United sun baiwa Eric wasanni biyu akan ya canja komai idan kuma ba haka ba akwai yiwuwar su raba gari dashi,inda ake hasashen hakan zai sa Man Utd ta fitar da zunzurutun kudi har Dala miliyan 15 domin ta baiwa Ten Hag alawus dinsa na sauran shekarun kwantiraginsa.
