Wayoyin salula da kamfanin Huawei ya kera sun tsallake shingayen da aka yi masa, ta amfani da na’urorin lantarki mai amfani da karfin sadarwa na 5G da kamfanin Huawei ya kirkiro, kuma jirgin nan mai lakabin “Fendouzhe”, wato “Zakakuri” mai dauke da mutane dake iya nutsewa cikin teku har ya kai tushen kwarin ruwan teku da ake kira “Mariana Trench”, wuri mafi zurfi a teku dake da zurfin fiye da kilomita dubu 10 da dai sauran nasarorin da Sin ta samu, inda dukkansu suka bayyana ma’anar ra’ayin da Sin take dauka na dogaro da karfin kai.
Kazalika, tsarin ba da jagorancin zirga-zirga na “Beidou” ya samar da hidima ga kasashe ko yankuna fiye da 200 a duniya, kuma na’urar hangen nesa ta “FAST” wato radio telescope a Turance da Sin ta kera bisa fasaha ta zamani wacce kasar ta Sin ta kebe kashi 10% na dukkan lokacin aikinsa ga masu kimiya da fasaha na kasa da kasa don su yi amfani da ita, kana da yadda manhajar DeepSeek ta rage yawan kudin da za a kashe wajen bincike bisa fasahar AI cikin hadin kai a yanar gizo da dai sauran dimbin matakan da Sin take dauka, duk sun bayyana matsayin Sin na kyautata hulda, wato bude kofa da more damammakinta ga ketare.
Bugu da kari, tsarin dogaro da karfi na kashin kai a bangaren kimiyya da fasaha ya zamo wani karfi mai dorewa ga aikin zamanintar da al’ummar Sinawa da ci gaban kimiya da fasahar duniya baki daya. (Amina Xu)
