Yayinda kasar Morocco ta zama kasa ta farko a wannan gasar kofin Duniya ta bana da ta kai matakin zagayen na kusa da na kusa da na karshe (Quater Final) bayan doke kasar Canada da ci 3-0 a ranar Asabar, itama kasar Faransa ta kai wannan matsayin bayan doke Paraguay da ci daya mai ban haushi.
Yanzu haka an hada kasashen biyu a zagayen na Kwata Fainal da zasu buga a ranar Alhamis 9 ga watan Yuli, ba wannan ne karo na farko da kasashen biyu ke haduwa a gasar kofin Duniya ba, inda a shekarar 2022 sun hadu a zagayen na kusa da na karshe (Semi Final) wanda kasar Faransa ta doke Morocco da ci 2-0 a wasan.
Kasashen biyu na daga cikin kasashen dake taka rawar gani a gasar ta bana, inda har yanzu babu kasar da aka taba dokewa a gasar, kasar Morocco ta buga canjaras 2 yayinda tayi nasara sau 3 a wasanni 5 da ta buga, a daya bangaren kuma ta lashe duka wasanninta 5 da ta buga a gasar ta bana.
