Giwa Ta Halaka Tsohuwa, Ta Sake Bin Gawarta Ta Tattake Ana Tsaka Da Jana’izarta

Wani yanayi mai kama da almara da ya dimauta mazauna wani kauye a gabashin Kasar Indiya, inda Wata giwa ta halaka wata tsohuwa mai shekaru 70 sannan ta yi tattaki har inda ake jana’izar matar ta tattake gawarta.

A Wani Rahoto da jaridar Labarun Hausa ta ruwaito, ta bayyana cewa, giwar ta hallaka matar ne mai suna Maya Murmu dake kauyen Raipal a gabashin Kasar Indiya, yayin da tayi yunkurin farautar Giwar kamar yadda ‘yan sanda su ka bayyana.

• Al’ajabi: Yadda Wani Maniyyaci Ya Fara Aikin Hajjinsa A Sansanin Alhazai Na Kano Bayan Rasa Kujerarsa

Daga bisani, ana tsaka da jana’izar matar da yamma, giwar ta kara kutso kai ta kara tattake gawar Mayu kamar yadda jaridar Press Trust da ke Indiya ta bayyana.

Kamar yadda labarai su ka nuna, giwar ta tsere ne daga gidan namun daji da ke Dalma a garin Maturbhanj.

Ba wannan bane karon farko da giwar ta fara halaka jama’a ba, a watan Oktoban da ya gabata, ta halaka wani tsoho mai yawon bude ido a gaban idon dansa a Zimbabwe.

Sannan ta taba halaka shugaban mafarauta na yankin Victoria Falls da ke yammacin Zimbabewa mai shekaru 35 da haihuwa.

Sulaiman

+ postsBio

• Sulaiman

  Wannan Hakki Na Tushe Yana Da Matukar Muhimmanci
• Sulaiman

  Ranar Dimokuraɗiyya: Gwamna Uba Sani Ya ‘Yanta Fursunoni 97
• Sulaiman

  Manufar Soke Haraji Ga Kasashen Afirka Ta Sin Ta Samar Da Sabbin Damammaki Ga Nahiyar
• Sulaiman

  Zhang Guoqing Ya Gabatar Da Jawabi Ga Taron Koli Na “Hadin Kai Don Bunkasa Tattalin Arzikin Duniya”